Hierdie dokument is 'n handleiding in Naamtetiese Apologetiek. Met ander woorde, dit wys hoe die Bybel gebruik kan word om die Bybel as waar te bewys. Die eerste twee eenhede is inleidend. Vanaf Eenheid 3 is daar individuele Bybelstudies wat ook in groepverband gebruik kan word.

Hierdie studie beantwoord vrae aan mense wat verkeerdelik dink dat die Bybel slegs 'n storieboek is, of dat die Bybel se inhoud deur een of ander vergadering bepaal is. Die studie help die leser om die Bybel te waardeer as 'n besonderse boek waarvan die hele inhoud deur die Here geïnspireer is en dat die karakters en verhale werklike gebeure was.

Die Feeste van die Here is reeds ongeveer 1250 jaar voor Christus ingestel. Hierdie werkstuk help om die Messias in die feeste raak te sien en ook om te kan uitsien na die wederkoms van die Messias.

'n Opsomming van sommige van die dwaallere wat die mens gebesig het van Noag se tyd af. Dit werkstuk poog om die negatiewe resultaat hiervan op die mens uit te lig, en dit is Goddeloosheid.

Hierdie dokument kan as leiding gebruik word wanneer jy voorberei om 'n geloofsekerheid aanbieding te doen. Dit bevat leiding in hakkies [ ... ] en gee ook Skrifverwysings wat gebruik kan word.

Skrifgefundeerde bespreking tot geloofsekerheid.

'n Inleiding tot die studie van die vermoë om die Evangelie verbaal te verdedig.

'n Opsomming van die mees-bekende sektes wat die Onstaan, Leer, Modus Operandi en hulle siening van redding uitbeeld.

Die een en enigste Skepper, die Here, het deur Sy Seun, die hemel en die aarde geskep. Hierdie werkstuk is 'n apologetiese benadering tot die realiteit van 'n Skepper. 

Hierdie boek beslaan 287 bladsye met baie Skrifverwysings om die leser te help met geloofsekerheid in Jesus Christus as die Verlosser van die mensdom. Die boek is ook baie geskik vir evangeliste as hulpmiddel om die Evangelie te verdedig.

Laat die Woord Getuig is gratis beskikbaar. U kan met vrymoedigheid die boek aflaai en gratis versprei. Die boek, of enige deel daarvan, mag egter nie te koop aangebied word sonder die skriftelike toestemming van die Matteus 28 Bediening nie.